සියලුම සාමාජිකයන් වෙත2025.10.01 දින වැලිගම නගර සභාවේ උප නගරාධිපති වරයා විසින් එහි ගණකාධිකාරි වරයාට සිදු කරන ලද තර්ජනය සම්බන්ධයෙන් ශ්‍රී ලංකා ගණකාධිකාරී සේවා සංගමයේ දැඩි විරෝධය ප්‍රකාශ කර සිටින අතර , එම සිදුවීම දැඩි ලෙස හෙළා දකිමු.
මේ සඳහා විරෝධතාවය දැක්වීමක් ලෙස හෙට සහ අනිද්දා දෙදින කළු පටි පැළඳගෙන රාජකාරියේ යෙදීමටත් මේ සම්බන්ධව මාධ්‍ය දැනුවත් කිරීමටත් ශ්‍රී ලංකා ගණකාධිකාරී සේවා සංගමයේ විධායක කමිටුව තීරණය කර ඇත.
එමෙන්ම මේ සම්බන්ධයෙන් ඉදිරියේදී ගනු ලබන ක්‍රියාමාර්ග සම්බන්ධයෙන් සාමාජිකයන් දැනුවත් කිරීමට ද කටයුතු කරනු ලබන අතර මෙම සියලු වෘත්තිය ක්‍රියා මාර්ග සඳහා ඔබ සියලු දෙනාගේම සහයෝගය බලාපොරොත්තු වෙමු. ලේකම්- ශ්‍රී ලංකා ගණකාධිකාරී සේවා සංගමය
